இந்த செய்தியை தினமணியில் படித்தவுடன் மனம் துணுக்குற்றது.துக்கம் நெஞ்சை அடைத்தது.அந்த சகோதரி நம் ஊரை சேர்ந்தவர் என்பதாலோ,அந்த ஹட்சன் ஆறு பக்கத்தில் நான் வசிப்பதால் என்பதால் என்றோ இருக்கலாம்.ஆனால் அந்த சம்பவம் நடந்திருக்கக் கூடாது - இன்ஷா அல்லாஹ் இனி உலகின் எந்த பகுதியிலும் இது போல் நடக்கக் கூடாது என ஏக இறைவனை பிரார்த்தனை செய்தவளாக...........
உங்கள் பாத்திமா ஜொஹ்ரா
----------------------------------------------------------------------------
கணவர் மீது கொண்ட மன வருத்தம் காரணமாக 19 மாத பெண் குழந்தையை நியூயார்க் நகரில் ஹட்சன் ஆற்றில் எறிந்துவிட்டு தானும் அதில் குதித்து தற்கொலைக்கு முயன்ற தமிழ்நாட்டுப் பெண் கைது செய்யப்பட்டார்.
அவர் மீதான குற்றச்சாட்டுகள் நிரூபிக்கப்பட்டால் அவருக்கு 25 ஆண்டுகள் தண்டனை கிடைக்கும். அமெரிக்காவில் கடந்த செவ்வாய்க்கிழமை இச் சம்பவம் நடந்தது.
தமிழ்நாட்டைச் சேர்ந்த அவருடைய பெயர் தேவி சில்வியா. கணவர் பெயர் டொமினிக் ஜேம்ஸ் பிருதிவிராஜ். ஆற்றில் வீசப்பட்ட 19 மாத பெண் குழந்தையின் பெயர் ஜெஸ்ஸிகா பிருதிவிராஜ். அமெரிக்காவில் குடியேறி கடந்த சில ஆண்டுகளாகிறது. கணவருடைய வேலை காரணமாக சிகாகோ, கலிபோர்னியா, நியூயார்க் நகரங்களில் வசித்திருக்கிறார். இருவருக்கும் இடையில் ஏதோ பூசல். பேச்சுத்துணைக்கு கூட ஆள் இல்லாமல் தனிமையில் சோகத்தில் வாழ்ந்திருக்கிறார் தேவி சில்வியா.
பனிக்கட்டியைப் போல ஜில்லிட்ட ஆற்றில் வீசியதால் குழந்தையின் உடல் நீலம் பாரித்து,மரக்கட்டையைப் போல விறைத்திருந்தது. குழந்தைக்கு வேறு ஏதும் பாதிப்பு ஏற்பட்டிருக்குமா என்று தெரியவில்லை. அப்படி ஏதும் நேரிட்டால் தேவி சில்வியாவுக்கு தண்டனை மேலும் அதிகரிக்கும்.
இச் சம்பவம் குறித்து அவருடைய கணவரின் கருத்தைக் கேட்க முற்பட்டபோது அவர் பதில் அளிக்க வரவேயில்லை. சில்வியா இப்போது மருத்துவமனையில் சிகிச்சை பெறுகிறார். அவருக்கு ஜாமீன் தரப்படவில்லை.
நன்றி தினமணி
--------------------------------------------------------------------------------------
"(துக்கம் ஏற்பட்டால்) கன்னங்களில் அறைந்து கொள்பவன், அல்லது சட்டைப் பைகளைக் கிழித்துக் கொள்பவன், அல்லது அறியாமைக் கால வழக்கப்படி புலம்புகிறவன் நம்மைச் சார்ந்தவன் அல்லன்" என்று அல்லாஹ்வின் தூதர் (ஸல்) கூறினார்கள்.
அறிவிப்பாளர் : அப்துல்லாஹ் பின் மஸ்ஊத் (ரலி).
நபிமொழி----------------------------------------------------------------------------------------------------------------------------------
செல்வம் என்பது உலகப் பொருள்களின் அதிகரிப்பில் இல்லை. எனினும் செல்வம் என்பது மனத்தின் செல்வமேயாகும். போதுமென்ற மனமேயாகும் என்று நபி
அவர்கள் கூறினர்: அறிவிப்பவர்: நூல்கள்: புகாரி, முஸ்லிம்.
அவர்கள் கூறினர்: அறிவிப்பவர்: நூல்கள்: புகாரி, முஸ்லிம்.நபிமொழி
----------------------------------------------------------------------------------------
4:128
ஒரு பெண் தன் கணவன் தன்னை வெறுத்து விடுவான் என்றோ அல்லது புறக்கணித்து விடுவான் என்றோ பயந்தால், அவர்கள் இருவரும் தங்களுக்குள் (சமாதானமான) ஒரு முடிவைச் செய்து கொண்டால் அவ்விருவர் மீது குற்றமில்லை. அத்தகைய சமாதானமே மேலானது. இன்னும், ஆன்மாக்கள் கருமித்தனத்திற்கு உட்பட்டவையாகின்றன. அவ்வாறு உட்படாமல்) ஒருவருக்கொருவர் உபகாரம் செய்து, (அல்லாஹ்வுக்குப்) பயந்து நடப்பீர்களானால் நிச்சயமாக அல்லாஹ் நீங்கள் செய்பவற்றையெல்லாம் நன்கு அறிந்தவனாக இருக்கின்றான்.
குர்ஆன்
--------------------------------------------------------------------------------------------------------------------------------------
13 comments:
ஜஸகல்லாஹு க்ஹைர் சகோதரி.
துன்பம் ஏற்பட்டால் புலம்புவது கூட தவறென்று சுட்டிக்காட்டியமைக்கு நன்றி. எனக்கு நல்ல ரிமைன்டர். இப்பத்தான் சில விஷயங்களை நினைச்சு புலம்பிக்கிட்டு இருந்தேன்.
தவக்கல்து அலல்லாஹ்
அதிர்ச்சி தரும் தகவல், எப்படி மனம் வந்தததோ அப்பெண்ணிற்கு, குரஆன் மற்றும் நபிமொழிகளை படிக்கும்போது மனதிற்கு இதம் ஏற்படுகிறது.
உங்க ஊரு சேதிய சொல்லிப்புட்டிஹா
எப்படிதான் மனசு வந்துச்சோ!!
:-((
குழந்தையையுமா! :(
தீர்த்துட்டு பேசலாம்னு நினைச்சுட்டாங்க போல....
குடும்ப பிரச்சனைகளால் குழந்தைகளுக்கு விஷம் கொடுத்து தானும் தற்கொலை செய்துகொள்ளும் செய்திகள் இப்போதெல்லாம் அடிகடி காண முடிவது மிகவும் வறுத்தத்துக்குரிய விஷயம்...
பிரச்சனைகளுக்கு தற்கொலை மற்றும் கொலை தீர்வாகாதென்பதை எப்போது உணர்வார்கள் இவர்கள்... இது போன்ற சமூக அவலங்கள் நீங்க எல்லாம் வல்ல இறைவன் அருள் புரிவானாக.... ஆமீன்..
இப்படி வெளியூர்ல வாழ்றதுல சிக்கலே அதான்க்கா. ஆனால் இந்த முடிவெடுப்பதற்கு முன் நிறைய counselling firms உள்ளது அவங்ககிட்ட பேசிப் பார்க்க முன் வரணும். நம்ம மாதிரி பெண்களை இப்படி அயல்நாடு அனுப்பறப்பவே அம்மா, அப்பாக்கள் ஜாக்கிரதையா இந்த மாதிரி நேரங்களில் என்ன பண்ணனும்னும் சொல்லி பக்குவப் படுத்தி அனுப்பணும்.
அதிர்ச்சியான தகவல்,
நேர்மையுடன், மனசாட்சியுடன் வாழ்வது மட்டும் வாழ்க்கையில்லை, பல எதிர் நீச்சல்கள் போட்டு போராடி வாழ்வதும் தான் இவ்வுலக வாழ்கை.
அற்பமான இவ்வுலகில் ஒரு சில தவறுகளுக்கு, பிடிவாதத்துக்கும் அடிமையாகி ஒற்றுமையை எட்டாக் கனியாக்கி தன் குடும்பங்களையும், தன் பிள்ளைகளையும் கதிகலங்க வைக்கும் கணவன்-மனைவி இன்னும் நிறையவே இருக்குகிறார்கள்.
வேதனை வேதனை.
படைத்தவன் தான் நல்ல புத்தி கொடுக்கனும்.
நீங்கள் சொல்வது போல் பொருமையுடன் பேசித் தீர்க்கலாம்: குடும்ப பிரச்சினைகளை மட்டுமாவது.
தகவல் தொடர்புகள் வளர்ந்த காலத்திலும் தனிமை ஒரு தண்டனையா?
எந்த பிரச்னையை எடுத்துகொண்டாலும் அந்த நேரதில் தான் பெறுசக தெறியும் ஒரு வாரம் கழித்து யோசித்தால் ப்பு இதனே இதை விட பெரிய பிரச்னை வந்தாகுட நம்மால் சமாளிக்க முடிவும் என்ற மன தைரியம் வரும் ..... வரனும்
மிகவும் வேதனையான விஷயம்.
குர் ஆன் வசனம், நபிமொழிகள்
தேவையான நினைவூட்டல்கள்!
அழகான குடும்ப உறவுகள் ஏன் இப்படி கொடூரமாக சிதைகின்றன விடை தெரியாத கேள்விகள்? நீங்கள் கொடுக்கும் இறைவனின் வார்த்தைகள் மிக அற்புதம். எல்லா மதங்களும் அன்பையே போதிக்கின்றன, இருந்தும் நம்மிடம் அன்பு குறைந்துதான் போகிறது.......!?
சிந்திக்க வேண்டிய படிப்பினை செய்திகள்........
அல்லாவே ஏன் இப்படி, ரொம்ப மனவருத்தப்படும் செய்தி.
குர் ஆன் வசனத்துடன் பதிவு அருமையான முறையில் சொல்லி இருக்கீங்க பாத்திமா.
Post a Comment